M3 Italian (已結業)

同朋友系沙田踩完单车，去左沙田围嘅M3食意大利菜。餐厅推出四周年特选优惠，喜欢食海鲜同鹅肝嘅食神有口福啦。餐厅采用木台木椅，加上柔和灯光，有一种沉实、稳重同舒适嘅感觉。墙上绘画已绘出餐厅食物特色，例如意大利粉、餐饮、意大利饭、汤、薄饼、甜品等。坐下不久，服务员送上焗暖嘅餐包。餐包外面烟韧，入面松软，再点埋橄榄油同醋，特别好味！粟米忌廉汤~够热，浓度适中，好creamy同香滑，配搭餐包同样出色。意式香草酱海鲜薄饼~红红绿绿，颜色鲜艳。饼底上放上肉质弹牙嘅带子、八爪鱼、蟹肉、虾等材料十足嘅海鲜，再加上芝士。焗好嘅pizza香喷喷，饼边香脆，中间芝士同海鲜混和，烟烟韧韧，好有口感，但完全吾漏。香草酱就带出pizza特别的香味，同平时食到嘅有分别。焗阿拉斯加长脚蟹意大利饭~上层蔬菜够新鲜，中间嘅芝士焗到金黄色，时间控制得啱啱好,芝士完全无融。意大利饭就粒粒分明，烟韧有口感，而且加入洋葱粒，令到饭更加鲜甜。软心朱古力蛋糕伴云呢拿雪糕～摆设好有心思。本来一黑一白，一冷一热，成对比。中间加左红色心心(士多啤梨)同龙吐珠将两者融和一体！雪糕细滑好香云呢拿味。而朱古力蛋糕就软硬适中，中间流心朱古力酱味够