意粉狂熱 (雅蘭中心)

营业中

休息中

同老公出咗旺角砵兰街睇装修材料，朗豪坊附近雅兰商场2楼和民集团嘅《意粉狂热》，中国元宵佳节(情人节)两个人撑枱脚轻松下食餐好嘅，日式意粉薄饼都好啱 一家大细，朋友相聚，情侣拍拖。特别餐牌今期做帆立贝，日本产帆立贝配蒜蓉蕃茄鲜制宽面($138)~大大只日本帆立贝伏咗系手制意粉上面， 山咁高，鲜制关系，宽条面较烟韧有口感，感受到意大利风味。香草烤鸡凯撒沙律($38)~喺好肚饿时能够迅速上菜好重要，新鲜蔬菜鸡胸肉最啱开餐前开开胃。蒜味芝士鸡翼4只($38)~配蒜味芥末酱，鸡翼面洒上大量芝士粉，新鲜热辣辣炸起，即叫即做，特别美味。海虾牛油果法包多士($38)~牛油果好有益，丰富饱和脂肪，加入海虾弹牙爽口，一道美味的小食。美式辣肉肠披萨(小)($58)~食意粉又点可以冇pizza呢，呢个size二人份量啱啱好，意大利薄饼加入新鲜沙律菜及辣肉肠，材料丰富值得一试。玫瑰蜂蜜果茶(热)($48)~暖暖的果茶，香香的花果味，一壶两杯同老公慢慢叹。