素食一家 (已結業)

今日和素食朋友食饭，所以今次专登试这间店，这店一直都成日经过但成日都想食肉，今次难得去十分期待！～今日约左8点大约等左15分钟已可入座，坐得舒服坐置大，但茶方面比较淡，餐牌都见到有吾同款式的菜，竟然仲有水煮添，但朋友吾可以食辣关系都系清淡为主，最后我地3个人结帐每人＄150都合理价～白麦汁 $22 和 天然苹果醋 $18：白麦汁系有酒精啤酒，本人就觉得好一般，黑麦汁甜返少少会好饮点！～苹果醋正常味可消滞。红烧野生竹笙素翅 $38：偏淡，配料不多，有点失望。酸辣烩素翅 $35：味道刚好有轻微辣，配料反而这个比较多，食落口口素翅，推介好味道。炸龙虾球 $72：热乎乎黎到每人都有2粒都份量正常，沙律酱同普通都有少少不同，偏水但味道足，龙虾球好似，口感十足好弹牙。荷塘吐艳 $108：黎到已觉漂亮，下面全都系西兰花一，上面系冬瓜切薄片再包住莲子，好香莲子香同好清新，琉璃汁煮得吾错吾太杰身，食落去好舒服但又饱肚。意式田园薄饼 $108：劲多芝士好惊喜！～入面料够多沙律酱又好味道，菠萝黄椒多口口料，饼底够脆同吾硬身，味道刚好又份量大，推介好味道。