影片
更多
2022-07-27
122 浏览
ilBelPaese系一间意大利餐厅，餐厅出边仲有好多意大利食物可以购买，仲有Gelato添！我哋去咗坚道𠮶间，喺商店行多两步入去餐厅，我觉得呢度装修好有特色，有种去咗欧洲小店嘅感觉。 呢度嘅食物会逐样逐样上，真系好似去咗旅行咁，所以要预留返多啲时间去享受。乜都未上之前有面包同橄榄油，我哋仲饮咗意大利Galvania果汁，好味。Burrata Pugliese嚟自南部意大利芝士，Burrata入口即溶，好香滑同埋creamy。仲有火箭沙律同埋有两款蕃茄仔，细只啲比较甜。Spaghettoni Meat Balls好味嘅肉酱意粉，面条比较烟靭，蕃茄汁偏甜。牛肉猪肉丸好大粒又够juicy。La Nostra Lasagna好耐冇食加菲猫最钟意嘅千层面啦，俾我上次食𠮶个好食好多！可以食到佢层次分明，面嘅部份够滑，中间仲有好多parmesan芝士做到拉丝嘅效果，牛肉酱都好足够。Parma Ham Pizza有芝士、巴马臣芝士、巴马火腿、火箭菜，呢个配搭一流。Pizza底好香脆，铺满芝士，火腿同菜都好多，好香。Panna Cotta估唔到甜品咁大份！奶味好香，甜度适中，可以沟埋有啲酸酸地嘅士多啤
呢度嘅食物会逐样逐样上，真系好似去咗旅行咁，所以要预留返多啲时间去享受。乜都未上之前有面包同橄榄油，我哋仲饮咗意大利Galvania果汁，好味。
Burrata Pugliese
嚟自南部意大利芝士，Burrata入口即溶，好香滑同埋creamy。仲有火箭沙律同埋有两款蕃茄仔，细只啲比较甜。
Spaghettoni Meat Balls
好味嘅肉酱意粉，面条比较烟靭，蕃茄汁偏甜。牛肉猪肉丸好大粒又够juicy。
La Nostra Lasagna
好耐冇食加菲猫最钟意嘅千层面啦，俾我上次食𠮶个好食好多！可以食到佢层次分明，面嘅部份够滑，中间仲有好多parmesan芝士做到拉丝嘅效果，牛肉酱都好足够。
Parma Ham Pizza
有芝士、巴马臣芝士、巴马火腿、火箭菜，呢个配搭一流。Pizza底好香脆，铺满芝士，火腿同菜都好多，好香。
Panna Cotta
估唔到甜品咁大份！奶味好香，甜度适中，可以沟埋有啲酸酸地嘅士多啤梨酱同埋杂莓。本身系咁话话好饱，但系因为太好味我食下食下都食晒。（肥）
Chocolate Mousse
呢个都好大份！呢个慕丝蛋糕好滑，同埋有香浓嘅朱古力味，呢个比上一个甜。
张贴
