影片
更多
2016-10-12
3370 浏览
贺完细妹生日，就轮到老婆餐生日饭，既然喺佢就揾间有特色少少，未必一定要好高级，但最紧要有素食、健康，所以，趁出开嚟尖沙咀就拣咗感觉清新，卖意大利菜嘅Assaggio，加埋佢朋友，一行3人嚟到食个悠悠闲嘅午餐。初时睇地址为Mira Mall，都无特别为意，原来非大商场𠮶边，而喺美丽华酒店𠮶边，餐厅嘅位置有啲隐蔽，搭扶手电梯要转嚟转去，反而搭酒店电梯上二楼一出就喺。餐厅环境颇宽敞，木地板配番木系枱櫈，白色仿砖墙，一派轻松悠然嘅感觉。店内有张方形共用大枱，足坐上十多人，啱晒大棚人，不过，有客人用餐就唔方便影。而我哋被安排坐梳化卡位，餐枱好大张，啲位好阔落，但略嫌垫褥薄，挨背较深，加个咕臣挨吓就更好坐。近门口又好，梳化卡位又好，墙上都放满好多意大利入口嘅干货食材，问过店员喇，只喺装饰，不设零售，但餐厅就确喺用上摆晌度嘅食材，然而店员都补充多句，佢话应该喺一般大型超市都会有得买。午市只做套餐，散点餐牌不适用，唯一散点就只有5款精选薄饼。午市套餐喺3道菜嘅午餐，包头盘、主菜及甜品，奉送一般茶啡，如转饮升级饮品需补钱，而定价视乎所拣嘅主菜，由$108 - $148 + 10%。头盘共有3款选择：自助
初时睇地址为Mira Mall，都无特别为意，原来非大商场𠮶边，而喺美丽华酒店𠮶边，餐厅嘅位置有啲隐蔽，搭扶手电梯要转嚟转去，反而搭酒店电梯上二楼一出就喺。餐厅环境颇宽敞，木地板配番木系枱櫈，白色仿砖墙，一派轻松悠然嘅感觉。
店内有张方形共用大枱，足坐上十多人，啱晒大棚人，不过，有客人用餐就唔方便影。而我哋被安排坐梳化卡位，餐枱好大张，啲位好阔落，但略嫌垫褥薄，挨背较深，加个咕臣挨吓就更好坐。
近门口又好，梳化卡位又好，墙上都放满好多意大利入口嘅干货食材，问过店员喇，只喺装饰，不设零售，但餐厅就确喺用上摆晌度嘅食材，然而店员都补充多句，佢话应该喺一般大型超市都会有得买。
午市只做套餐，散点餐牌不适用，唯一散点就只有5款精选薄饼。
午市套餐喺3道菜嘅午餐，包头盘、主菜及甜品，奉送一般茶啡，如转饮升级饮品需补钱，而定价视乎所拣嘅主菜，由$108 - $148 + 10%。
头盘共有3款选择：自助沙律、意大利火腿或餐汤配面包。我哋3个人，啱啱好就唔使伤脑筋拣边样，一于3款都试试喺点。补充句，可以只食头盘，加杯餐饮，只喺$88，但相信适合减肥或节食嘅朋友，食份沙律，加杯热饮。
Garden Salad Bar叫得「Garden」就梗喺以蔬菜为主，晌近门口水吧位放满各式各样新鲜食材，如沙律菜、烤茄子、法边豆、烧灯笼椒、紫洋葱、西芹、青瓜、薏米、烟肉粒……等等十多种配料，再配两款酱汁及油醋，此外，仲不过，温馨提示，沙律只可以攞一转，但见餐厅提供嘅餐碟都好大只，足以拎到大大份沙律返嚟。
基本上，所有食材都要少少，已经摆满一整碟。整体食材果然新鲜，而且，细心嘅话食得出唔少材料都处理过，唔喺就咁洗洗切切就摆出嚟，例如粟米粒炒过，茄子及灯笼椒都烤过，亦非罐头货色，所以，新鲜好食。此外，沙律吧仲有啲蒜蓉包拌吞拿鱼蓉，拎3件可以大家都有得试。
Garden Salad Bar
57 浏览
1 赞好
0 留言
咪睇有个Ham字就以为喺啲意大利风干火腿乜乜乜，其实只喺一款博洛尼亚嘅意式冻肉肠配一款意式牛芝士，不过，款肉睇都几特别，混入咗开心果仁，薄切嘅肉肠口感清爽，微微嘅咸香；至于粒芝士，质感挺实，味道有啲似巴马臣，但唔喺好浓味，较轻怡。
Pumpkin Soup with Bread餐汤就比较难分尝，所以，小弟只浅尝一口，但都足够品尝到个味道，南瓜味浓郁且香甜，口感幼滑。不过，两款配汤嘅面包（个火腿都有附送），口感一般般，有点干干硬硬，唔太讨好。
Pumpkin Soup with Bread
33 浏览
1 赞好
0 留言
Maccheroni Bolognese $118主菜嘅份量比预期细少许，当然一般人而言加埋头盘绝对够，但大食嘅男生就担心有少少唔够饱。个肉酱长通粉好香，啲肉酱做得好惹味，长通粉煮得有咬口，看似简单，却喺好食。
Maccheroni Bolognese
$118
37 浏览
1 赞好
0 留言
熟我嘅朋友都知我多数会拣意大利饭，因为，意大利饭确喺好虾人煮，今趟晌度食到嘅就好有水准，啲饭粒烟韧有咬口，却唔会有生米嘅感觉；而且，湿润且充满菌香，见有咁多菇菌就知啦，再者，糁咗唔少巴马臣芝士，香气到不得了。
Risotto Mushroom and Parmesan
$128
26 浏览
1 赞好
0 留言
老婆拣嘅心水就喺依一道轻煎盲𫚧，卖相精简唔花巧，单单就只有烤薯角垫底而已，但将鱼切成3件摆得精巧立体。鱼肉煎得非常甘香，老套一句，真喺皮脆肉嫩，鱼肉好嫩滑，少少盐同香草香，洒点柠汁，清新更吊起鱼鲜味。
Pan-seared Barramundi
$138
29 浏览
1 赞好
0 留言
Panna Cotta甜品无得拣，就只有意式奶冻。咪睇佢一小杯，细心食绝对能体会到厨师嘅心思。奶冻做得口感柔滑，极富奶香，心思位就喺加咗少许焦糖浆及杏仁碎，初时仲以为喺玛莉饼碎添，立时味道就变得唔单一。
Hot Lemon Water老婆同佢朋友就点咗热柠水，柠水或柠茶都喺以壶上，比起简单就咁一杯，感觉会唔同啲。
Cappuccino +$15既然食到咁好嘅菜式，都唔想「求求其其」一杯咖啡，所以，加钱要杯意大利泡沫咖啡，从杯身理解，店家所用嘅咖啡豆嚟自意大利品牌illy，品质有一定嘅保证。咖啡唔止醇香，余韵长，奶泡打得够厚身绵滑。
Cappuccino
26 浏览
1 赞好
0 留言
张贴
