影片
更多
2020-12-10
175 浏览
以前同朋友经常去大围打边炉，自从执咗之后就无再去过了，最近听朋友话同一个位置开咗间超抵食嘅火㶽夜题，见今晚凉凉地就同男朋友去试下。入座安排十分好，一开始就会介绍清楚放题嘅流程、任食项目等等，之后先来一盘热水清洗食具，系依家咁注重卫生嘅前题下，呢个真系加分，保证食得安心先。呢度个放题好特别，由头食到尾有八个items，就好似玩过关游戏咁顺住落，当中有啲items只可以食一次，其余就任叫。1. 肥仔四小吃首先有小食，麻香黑鸡脚、话梅鸳鸯苦瓜、避风塘鱼柳、黑松露虾多士，每碟都系少少份量先开胃，最钟意系黑松露虾多士，食到入面系真材实料有虾肉，唔似出面买嘅冷藏货。2. 航空六刺食一开始以为食火㶽放题，刺身只系搭单，估唔到都系高质素，每一样都好新鲜，特别系三文鱼厚切肥美，带子鲜甜，不过只可以叫一次不可以任食。3. 酸菜鱼 / 水煮鱼 / 火焰酱爆镬仔鸡任食items，但系第一次嚟嘅份量已经好大份，我地叫咗酸菜鱼。鱼肉嫩滑，汤底清甜，豆卜同菜完全入味，好开胃，加上汤底仲有水晶粉，绝对不马虎，食完都已经有啲饱。之后我地仲试咗镬仔鸡，又系足料份量，酱汁惹味，鸡件嫩滑，好有镬气!!4. 胡椒猪肚汤之后就到
入座安排十分好，一开始就会介绍清楚放题嘅流程、任食项目等等，之后先来一盘热水清洗食具，系依家咁注重卫生嘅前题下，呢个真系加分，保证食得安心先。呢度个放题好特别，由头食到尾有八个items，就好似玩过关游戏咁顺住落，当中有啲items只可以食一次，其余就任叫。
1. 肥仔四小吃
首先有小食，麻香黑鸡脚、话梅鸳鸯苦瓜、避风塘鱼柳、黑松露虾多士，每碟都系少少份量先开胃，最钟意系黑松露虾多士，食到入面系真材实料有虾肉，唔似出面买嘅冷藏货。
2. 航空六刺食
一开始以为食火㶽放题，刺身只系搭单，估唔到都系高质素，每一样都好新鲜，特别系三文鱼厚切肥美，带子鲜甜，不过只可以叫一次不可以任食。
3. 酸菜鱼 / 水煮鱼 / 火焰酱爆镬仔鸡
任食items，但系第一次嚟嘅份量已经好大份，我地叫咗酸菜鱼。鱼肉嫩滑，汤底清甜，豆卜同菜完全入味，好开胃，加上汤底仲有水晶粉，绝对不马虎，食完都已经有啲饱。之后我地仲试咗镬仔鸡，又系足料份量，酱汁惹味，鸡件嫩滑，好有镬气!!
4. 胡椒猪肚汤
之后就到打边炉嘅部份啦，好似已经食咗好多野先入正题。汤底香浓，好重嘅胡椒味但又不抢喉，仲有好多猪肚，够哂足料!!
5. 深海邮轮
全晚最令我期待的就系呢个深海邮轮，因为我好钟意食海鲜，鲍鱼、海虾、带子、青口、大砚，全部都好新鲜，青口同鲍鱼仲系新鲜识郁架!! (后尾去厕所见到有大鱼缸养住啲海鲜，唔怪之得咁新鲜!!)
6 / 7. 猪牛、火㶽料任食
打边炉最紧要的肉食，男朋友岩哂，结果都无令我地失望，而且仲有新鲜炸嘅鱼皮、响铃，放落咁香浓嘅汤底真系好好味!
呢一餐真系超满意，仲要酒水任饮，埋单先系$275一位，好抵食!!!
张贴
