雲南風味小鍋米線

营业中

休息中

今日中午去咗食云南米线，呢间铺头成日都好多人，等位都要好耐，咁啱得自己一个人食就可以好快有位入得😆呢度系用纸仔拣自己想食嘅米线同配料，小锅米线配料可以自由配搭，过桥米线就大杂烩样样有啲。🍜小锅米线汤底拣咗酸辣，辣度好多选择，我就拣咗微辣试下，配料拣咗猪大肠同牛柏叶，再加配咗杯柠檬茶。柠檬茶系有真柠檬同俾咗好多厚切柠檬，最钟意多柠檬可以狂笃出味🤣🤣不过茶底就偏淡。米线汤底呈现奶白色，饮得出系好浓嘅猪骨汤，再加上有阵阵酸辣味，饮落非常开胃。米线比较幼细，食落软滑。猪肠入味食到卤水香，唔会煮到过腍，咬落仲有口感。牛柏叶爽口唔韧，两个𩠌嘅份量十分充足，食极都仲有，非常抵食啊😆😆