九重町日本料理 (已結業)

走到来蓝地度揾嘢食，原本对呢度冇乜认识嘅我，行行吓发现到呢间装修好新嘅日式餐厅，呢间九重町日本料理入到去已经好有feel，仲有counter坐可以望住寿司师傅即叫即整望上边仲有个板写住有乜嘢时令嘅海鲜，有几种都系平时唔常见嘅鱼最劲嘅就系原条做紧半价，如果成班人你黎食叫番一两条都几抵架。不过同朋友两个人就食唔到咁多啦～ 一坐低就有个小食做头盘，感觉好贴心。第一样叫嘅就系唔同嘅寿司啦，有我最钟意食嘅剑鱼腩，油甘鱼烧三文鱼价钱合理而且寿司上面块鱼好大嚿，好新鲜。搞到食完一碟之后仲要再encore多两旧剑鱼腩添之后仲叫咗个几特别嘅牛油果软壳蟹卷，牛油果同埋蟹子真系好夹仲要好大旧蟹好好食。之后就到主菜啦我叫咗呢个泡菜猪肉锅，天气冻冻地最啱食返啲热辣辣嘅嘢，加埋少少泡菜刺激下，其他仲有牛肉锅海鲜锅等等。最啱冬天去食~~跟住仲有我最钟意食嘅银雪鱼西京烧去亲食日本野都一定要点，果然冇令我失望，滑滑嘅鳕鱼配上配上甜甜地嘅面鼓汁，真系食多几多块都得啊！最后仲叫咗个鳗鱼炒饭，黎嘅时候先发现原来好多枱都叫咗真系冇拣错啊，甜甜嘅饭配上超多嘅鳗鱼粒真系好正。总括嚟讲竟然喺屯门呢度比我揾到一间咁正宗嘅日式餐厅，价钱