影片
更多
2022-05-30
209 浏览
钟意食串烧，一边食嘢一边饮嘢一边倾计，感觉好chill。每次同朋友食串烧都会不知不觉食咗好多串，一埋单就知大镬！逐串计真系好贵。今日同朋友嚟到观塘骆驼漆大厦食串烧放题，二百几蚊任饮任食，我觉得好抵食！每人送半只芝士焗龙虾，唔系话好大只，但系好鲜味同弹牙！仲有一人一只大头虾同鲍鱼。饮品都系一般纸包或罐装饮品，有得任饮已经好好。每张枱上面有三种调味粉，出面亦有取汁区。热盘、冷盘、甜品、生果都有。蒜蓉焗生蚝，好爆蒜！ 隔嚟个mini版海南鸡饭，朋友话个饭好正，食咗两个！唔可以错过系厨师推介嘅醉猪手，用三种酒调制：绍酒、玫瑰露酒、花雕酒，阵阵酒香味，爽口弹牙无肥腻感！串烧真系好多选择，排列整齐，自己想食咩都可以慢慢拣。推介牛肋肉同叉烧，肉本身质高，系靓肉，而且腌得好入味，肥瘦适中，encore之选。反而鸡翼就雪味重，唔太好食。自动串烧机几有趣，放串烧上去就会自己慢慢转。另有必食嘅烧棉花糖，好耐无食，童年回忆返晒嚟。最后食埋小甜品、雪糕或雪条，好满足！120分钟如果斋烧串烧可能有啲紧迫，始终要慢慢烧嘛。 不过我哋又烧吓海鲜，出面嘢食又有好多选择，时间好足够呀。餐厅整体做得几有heart，意想不到
今日同朋友嚟到观塘骆驼漆大厦食串烧放题，二百几蚊任饮任食，我觉得好抵食！
每人送半只芝士焗龙虾，唔系话好大只，但系好鲜味同弹牙！仲有一人一只大头虾同鲍鱼。
饮品都系一般纸包或罐装饮品，有得任饮已经好好。每张枱上面有三种调味粉，出面亦有取汁区。
热盘、冷盘、甜品、生果都有。蒜蓉焗生蚝，好爆蒜！ 隔嚟个mini版海南鸡饭，朋友话个饭好正，食咗两个！
唔可以错过系厨师推介嘅醉猪手，用三种酒调制：绍酒、玫瑰露酒、花雕酒，阵阵酒香味，爽口弹牙无肥腻感！
串烧真系好多选择，排列整齐，自己想食咩都可以慢慢拣。推介牛肋肉同叉烧，肉本身质高，系靓肉，而且腌得好入味，肥瘦适中，encore之选。反而鸡翼就雪味重，唔太好食。
自动串烧机几有趣，放串烧上去就会自己慢慢转。另有必食嘅烧棉花糖，好耐无食，童年回忆返晒嚟。
最后食埋小甜品、雪糕或雪条，好满足！
120分钟如果斋烧串烧可能有啲紧迫，始终要慢慢烧嘛。 不过我哋又烧吓海鲜，出面嘢食又有好多选择，时间好足够呀。餐厅整体做得几有heart，意想不到嘅高质素。
张贴
