Will's Coffee (已結業)

之前经过过但铺位好细好似无咩位堂食，所以今次中午见佢系外卖平台有，又做紧满$150九折，一于试下。叫左番茄大虾意粉、泡菜豚肉原味bagel, 加西柚梳打espresso. 中午外卖既等候时间比较长，但黎到因为外卖包装非常好，野食都系暖既，最重要系饮品都先胖层纸包好再用盖再用纸托，所以无倒泻，十分满意。讲反食物，两样都好食，食落唔油，算系比较健康，番茄味都重，大虾又有几只都弹牙既，仲有小小鱿鱼，但如果意粉可以硬身小小同埋鱿鱼可以用大d个只就比较好。 Bagel有四只味，拣左原味，口感又ok㖞，加埋泡菜呢个配搭几新奇而食落又match, 佢唔会好重酱或油，起初都怕会多酱又咸，但食落无呢个问题，好评。最后饮品都出色，西柚味唔会盖过espresso, 加埋soda好开胃，饮完好想再饮，不过下次如果可以的话可以试下有无得小甜，试吓咩味，呢间小店值得再帮衬。