影片
更多
2018-01-22
737 浏览
平日放工又要烦谂下食咩，因为老妈系无定向间歇性无饭煮妇，一家人都系外出食饭多。但系餐餐出街食其实坚贵，虽然想食中菜小炒但又唔想去食酒楼。今晚成7个成员出动食饭，想坐得松动D，无意中经过土地庙见到呢间铺，外面望入店面好似长方型咁深，空间够大，但系客又唔算好爆(其时为黄金晚饭时间约8点)，想坐得舒服D，所以决定试新野。入到去自行拣位，见到左位两边有好多4人卡位，中间系一排排6-8人既餐桌。拣左张近水吧附近既8人枱(侍应任我地自己拣位坐)，方便摆下手袋。餐牌好多种类拣，有晚饭小炒、铁板据扒同拉面类。眼望四周见到唔少人据扒或炒一碟碟𩠌，最后拍板点左5个小炒。点完炒唔系等左好耐就上菜。个京都肉排好入味好香甜，甜酸度适中，愈食愈开胃，肉排炸过有点脆口，获气仲正过大排档风味，下次再番兜一定必点。碟栗米斑块纯粹点比两个小朋友食，易消化同咀嚼，原本个重点都唔放系呢个菜款上，因为会以为无咩特别，但又估唔到几好味，唔知系咪新鲜炸个角块既关系(外面食既所谓斑块系淋淋地甚至预先炸定会硬身)，外层卜卜脆，忍唔住同细路争食左两块。个牛腩煲原来点黎纯当系前菜，因为要等齐人，坐底等成20分钟又未开饭住，点来止下口瘾又唔
入到去自行拣位，见到左位两边有好多4人卡位，中间系一排排6-8人既餐桌。拣左张近水吧附近既8人枱(侍应任我地自己拣位坐)，方便摆下手袋。餐牌好多种类拣，有晚饭小炒、铁板据扒同拉面类。眼望四周见到唔少人据扒或炒一碟碟𩠌，最后拍板点左5个小炒。
14 浏览
0 赞好
0 留言
点完炒唔系等左好耐就上菜。个京都肉排好入味好香甜，甜酸度适中，愈食愈开胃，肉排炸过有点脆口，获气仲正过大排档风味，下次再番兜一定必点。
11 浏览
0 赞好
0 留言
碟栗米斑块纯粹点比两个小朋友食，易消化同咀嚼，原本个重点都唔放系呢个菜款上，因为会以为无咩特别，但又估唔到几好味，唔知系咪新鲜炸个角块既关系(外面食既所谓斑块系淋淋地甚至预先炸定会硬身)，外层卜卜脆，忍唔住同细路争食左两块。
20 浏览
0 赞好
0 留言
个牛腩煲原来点黎纯当系前菜，因为要等齐人，坐底等成20分钟又未开饭住，点来止下口瘾又唔想食咁饱而点的，系炆得OK入味，不过牛筋多个腩，”太张”住个口，有点济,
牛腩有啲”UN”。呢个菜唔会再翻点, 太一般喇。
12 浏览
0 赞好
0 留言
呢味梅菜蒸鲩鱼腩系老妈点既，我平时只食系阿妈屋企煮饭蒸既鱼，出街食饭绝绝绝少会点鱼食的。同亲老妈食每餐饭，佢唔点鱼会手痕，所以无意中点左呢个菜。亦系呢个无意带来了惊喜，全晚激推就系呢一味。个鲩鱼即叫即蒸，阿妈系街市买鱼兼食鱼高手，一食就知道唔系死鱼(即街市㓥定摆系度个几钟等人买果种鱼，想当然都唔系游住水即捉即仆杀黎煮，但食得出系新鲜鱼)蒸出黎既，阿妈系咁话好抵呀好味呀既高呼之下，我都忍唔住出手夹黎试下，"不"左一”更”梅菜搭住鲩鱼肉再浸浸佢既蒸鱼豉油，入口真系好正，好有住家菜煮既味道，个梅菜甜甜地吊香左个配汁，鲩鱼唔止一啲都唔腥，好鲜甜(平价鱼煮出呢个功价，真系超越性价架喇，赞!!!!!!)，强调一下，食呢个梅菜蒸鲩鱼腩真系配饭一流，用佢既”梅菜X鲩鱼X豉油”三者结合，令我忍唔住食左一碗饭。呢个系健康好味之选，仲有旧鱼腩份量都几大，一家人食真系好抵。10个赞忍唔住比8个，留番两个比佢有进步空间唔系KEEP唔住会趺WATT的。
15 浏览
0 赞好
0 留言
仲有点左个蜡味炒芥兰，一餐饭阿妈话点都要有啲菜，但又知我地班后生打坏唔钟意食清炒咁斋，所以点样炒得重口味既菜款等我地食夹下黎食。芥兰炒得够淋、甜、多汁，无话煮既时间唔够耐而未熟晒果种硬身，不错，配上冬天食蜡肠，好香好惹味。
呢餐饭激推唔单止好味，仲有每碟份量好多(京都肉排少左D得5、6旧左右)，食饱左5个大人两个细路(5岁以下)，饱既程度达至反艇级别，真心抵同性价很高，每碟菜平均价都系约65元，埋单都只系300头，必定番兜再食，赞。
张贴
