Mr. Bake (已結業)

一早約好左朋友黎利東街 因為想去開左好耐既卡樂b專門店 一路食住薯片 一路向金鐘方向行 行行下見到有間麵包店 又有咖啡飲 因為食到有啲口渴 所以入去望望啲麵包全部無添加劑 見到麵包賬卜卜 咁新鮮 就買左幾個過下口癮軟心朱古力：入面啲朱古力醬好濃 唔會太甜 餡都幾多菠菜芝士：入面好多一粒粒芝士 食落麵包有少少黑椒既辣味 外脆內軟伯爵紅梅：這個超級推介 因為本人好鐘意伯爵茶既香味 呢個包好香好濃既伯爵茶味 紅梅少少酸甜 好開胃 好好味我點左一杯熱mocha 朱古力味都算濃 咖啡帶微酸 還不錯 整體來說 麵包質地夠軟熟 食完有飽肚感 是真材實料啊 有機會一定來再食其他款