Woke (裝修中)

今日放工同朋友去食饭，但系因为临时约而且冇book位，所以就上咗威灵顿街行吓睇吓边间餐厅吸引，俾我哋见到有呢间餐厅，因为佢嘅环境创新同埋舒适嘅设计令到我哋都好想试吓。我哋入到去见到有好多唔同嘅海鲜，而且见到隔离枱有好多唔同款式嘅食物卖相都非常之吸引。首当其冲嘅就系佢哋嘅龙虾肉，意式香草蕃茄汁意粉🍝见到佢成只龙虾肉咁样放上碟，觉得非常之吸引，食落都觉得佢哋嘅龙虾肉好新鲜！除咗龙虾之外我哋都叫咗银鳕鱼，长臂虾，冬阴功忌廉泡沫，呢几样野亦都非常之夹😽我哋仲叫咗个Scallop crudo，佢入面分别有几粒嘅海带子 + 柚子啫喱+ 芒果莎莎+ 海胆，食物放入口嘅口感非常丰富，而且味道亦都非常特别！最后我哋叫咗个甜品拼盘，佢一共有三样甜品分别就系朱古力慕丝蛋糕，瑞士卷，cream brûlée！