但馬屋 (創紀之城五期(apm))

营业中

休息中

我见好多人推荐美肌锅就点左，但觉得无乜特别，唔太浓，少少咸味，可能系因为食材新鲜，唔想盖过咗啲味。酱汁有大阪烧汁好好味，唔点豉油啦！以为最平既牛质素会好差，劲多雪花肥膏果款，点知唔系，冇乜肥膏，啱晒我呢啲唔钟意食肥既人，仲砌的好薄，滚20秒食得，猪肉仲好食。我见佢有一座大机砌片，感觉好专业。甜品有Haagen Dazs 雪糕🍦，以为又一定系d唔想食既味啦，普通既朱古力，呍呢嗱，士多啤梨，点知原来有我钟意食既味呀，焦糖脆饼同曲奇云呢拿，仲有蓝莓同芒果红莓，我食左4球，我觉得佢好有心思，迎合大众口味。$179有意想不到的食物质素真系抵食，上锅速度快，员工服务好，一定唔会唔理你，有一个员工仲过黎帮我「笔」雪糕添。