好日咖啡店 (已搬遷) 新店位置

同友人系铜锣湾又意外发现到美食，要报导一下。店既外面似系一间普通既cafe，但凡事都唔可以睇表面，佢地既料理一点也不平凡。爽瓜瓜熔岩牛肉芝士汉堡。个名好长，但重点有哂厚厚牛肉，加上爽脆青瓜，再配上店家特调花生酱， 好正。首先个花生酱无想像中咁「杰身」，反而好顺口但又保留浓浓既花生酱味。牛肉同青瓜比例好好，牛肉本身唔算浓味，同埋清爽既青瓜令到个包唔会净系得花生酱味。特浓香烤芝士忌廉什菌鸡肉意粉。店员听到我地钟意食芝士就推介呢个意粉，芝士味好浓，表面仲用火烤过，好香。发现个意粉有加到辣椒片，店员话系为左减低芝士既油腻感，少少既辣味去中和。同店员（定系店长？！）倾左阵，佢地既料理注重系平衡方面，每款料理都唔想偏重一种味，而且好多酱汁都坚持自家制。希望佢地继续比心机，下次再尝试其他作品。