Have A Date (已搬遷) 新店位置

寻晚又要OT，放工同同事去揾食！大家都咁肚饿，佢就提议不如去附近食算啦！加上最近我少出街午餐，无乜主意！于是佢带咗我去佢最近lunch新宠食！原来里面装修都几好，有d外国酒吧feel，唔怪得佢咁钟意去呢度啦！晚餐有两个Menu, 分别有主食同小食！主食亦分别有扒类同意粉类！我哋叫咗安格斯肉眼牛扒、鲜茄烩牛肋骨意粉、蜜饯土匪鸡翼！本身只系安格斯肉眼牛扒先跟餐嘅，一问之下原来意粉加12蚊都可以，于是我就加埋，套餐即系有汤同饮品跟！原来系用我至爱牛角酥代替餐包，入口好松化，配埋罗宋汤简直系绝配！罗宋汤味道几酸入口口感几好！蜜饯土匪鸡翼同事话系皇牌必叫，原来真系几好味！鸡翼面上有层蜜糖，加上系即焗个鸡翼皮系脆嘅，口感非常好！安格斯肉眼牛扒配饭，同事叫咗五成熟，肉质几淋容易切开，切开后肉汁丰富又有牛肉味！不错不错！我就叫咗鲜茄烩牛肋骨意粉，由于我系超级蕃茄迷，对呢个情有独钟！食落味道似细个西餐厅食嘅烩汁味道，意粉口感唔会太淋，牛肋骨亦煮得好淋身同入味！我忍唔住叫同事下次去呢间食Lunch要叫埋我！哈哈！