影片
更多
2013-10-31
226 浏览
话说今日约左朋友喺佐敦食饭但要等佢放学(夜校𠮶d)，约我十点喺八王子等自己俾人"罚留堂"。印象中嘅拉面店系好似拿拿声食完走𠮶d，不过见佢唔系好多人就"面monk monk"咁坐住等个friend。无遭白眼不特止店员仲攞埋杂志俾我睇，认真唔话得(不过都系d有介绍佢地舖头嘅杂志，认真hard sell)。因为唔知个friend几点先到咁问定有咩推介啦，阿店员哥哥可能怕我闷同我倾多几句几乎介绍晒成个menu十几廿款嘅拉面各自嘅特色，老实讲，吸引到几乎想叫个全餐全部都想试吓。最可惜系试唔到店员哥哥讲嘅招牌牛骨汤，据称(都系阿店员哥哥所讲)系全港唯一用日本牛骨汤整拉面，每日只有100碗。虽然失望但10:30 last call 呢个钟数卖晒又可以理解嘅，唯有下次早d。等左几个字有d唔好意思先叫个章鱼烧食住等。面头好多热勒勒时会自己郁下郁下𠮶d一块块(唔记得叫咩)，正！好彩个friend喺last call前赶到，唔系嘅话唔知系咪要买外卖坐街边食。佢个豚组拉面无平常一片片叉烧但用叉烧粒代替，试左一粒，比起我𠮶碗嘅一片片叉烧比较有咬口，个猪骨汤都几香坐对面位都闻到。我叫左个元祖味噌拉面，又要赞下阿店
因为唔知个friend几点先到咁问定有咩推介啦，阿店员哥哥可能怕我闷同我倾多几句几乎介绍晒成个menu十几廿款嘅拉面各自嘅特色，老实讲，吸引到几乎想叫个全餐全部都想试吓。最可惜系试唔到店员哥哥讲嘅招牌牛骨汤，据称(都系阿店员哥哥所讲)系全港唯一用日本牛骨汤整拉面，每日只有100碗。虽然失望但10:30 last call 呢个钟数卖晒又可以理解嘅，唯有下次早d。
等左几个字有d唔好意思先叫个章鱼烧食住等。面头好多热勒勒时会自己郁下郁下𠮶d一块块(唔记得叫咩)，正！
好彩个friend喺last call前赶到，唔系嘅话唔知系咪要买外卖坐街边食。佢个豚组拉面无平常一片片叉烧但用叉烧粒代替，试左一粒，比起我𠮶碗嘅一片片叉烧比较有咬口，个猪骨汤都几香坐对面位都闻到。
我叫左个元祖味噌拉面，又要赞下阿店员哥哥，事关小弟唔系好食得辣，但店员哥哥极力推荐又形容埋系香辣唔系麻辣，盛情难却即管试吓。真心正！辣得嚟好香，另一店员(今次唔系店员哥哥)上台时仲提醒我每食几啖记得搅下个汤，因为味噌会慢慢沉淀到尾会好咸。有兴趣试嘅朋友都记得呀！
呢张相可能唔算靓，希望唔影响食欲，因为已经将味噌搅左落个汤度。平时食开嘅拉面系好似上海面嘅直身面，第一次食呢种「曲面」(出前一丁除外)，因为食落系几大分别真系要食过先知，唔识形容但粗身得嚟几好食。原来曲面可以将汤「挂」系面上，咁啱隔离台有个大叔向佢老婆抛书包偷听到，谂落都make sense，果然系「高手在民间」。成餐饭食得几开心，可能本身无咩要求，整体都感觉良好。尤其服务好「到位」，几细心。我见对面台有个大肚嘅太太一坐低店员就问佢要唔要杯热水。几十蚊食碗拉面有人咁细心照顾，依家好多几百蚊一餐嘅西餐都做唔到，值得一赞！
题外话/补充资料：
埋单时有张「级印」卡仔送，食满12个拉面送一碗招牌拉面，不过有期限要印满，好似要几个月内印满。张卡俾「留堂仔」抢左....唔太肯定。
(以上食记乃用户个人意见 , 并不代表OpenRice之观点。)
张贴
