香港仔周記點心茶餐廳 (已結業)

今日九龙人难得过海口喝玩乐，突然想食下一盅两件，又唔想去传统酒楼食点心，咁都俾我揾到呢间惊喜新派点心餐厅。门面设计别出心裁，坐位空间都够不算迫。餐单选择都几多，当然我地都二话不说就点晒所有招牌点心喇我地两个人总共点左七个点心：黑白芝麻虾多士、和风海鲜肠粉、周记虾饺皇、老干妈酱炒银针粉、鲜虾腐皮卷、鲜虾菜苗饺、上汤鱼肚云吞。虾饺爽腍交错，皮够烟靭，虾肉爽脆。菜苗饺亦都系非常烟靭，美中不足系个菜苗系白菜唔系豆苗。竹笙鱼肚云吞非常清新，鱼肚亦都好有鲜味，个上汤好好饮，鱼肚云吞呢个配搭好有创意。银针粉带少少辣，好有油香同事亦都唔肥腻。虾多士直头系一流，虾肉非常之肥美， 只系$40就有四大块，好抵食。和风海鲜肠粉亦都系非常突出，肠粉入边有日式酱汁同埋鲣鱼丝，撞埋传统嘅肠粉口感丰富。鲜虾腐皮卷即叫即整香脆热辣，不过食完先发觉原来我地样样都有虾。最后买单只系$300 ，哈哈，我地都差少少食唔晒，真系大满足。的确是几好味又有特色，值得一提就系老板伙记们都服务态度一流，好有礼貌又好好人。如果下次再经过上环，一定会返嚟再食。