施心畢老撾餐廳

营业中

休息中

男朋友今日带左个惊喜比我，话带我去食老挝菜。平时泰国越南菜就食得多，老挝菜真系未听过。入门口前见到好多新闻剪报，话老板原来系老挝皇族后裔，又系美国军校受训，加添餐厅嘅神秘感。入到餐厅闻到满满清新嘅香茅味，充满东南亚风情。老挝邻近泰国，所以菜式语言都有啲相似。菜单仲用左好搞鬼嘅泰文谐音做菜式名，好有趣。我地两个人点左好多个𩠌：盐酥鱿鱼、是拉差牛油鸡翼、网虾纸米卷、牛肉牛丸汤全米、乡下炒飞机芥兰。每道𩠌都系一流。盐酥鱿鱼，开胃可口，再加上特色酱汁简直一绝；牛油鸡翼香气扑鼻、油份丰盈香腴；纸米卷清新得来不寡味；汤全米汤底清爽顺喉；炒芥兰配有虾米干和炒豆，又爽又脆！同泰国菜好似，但系冇咁咸同浓味，稍为偏向清甜风，好特别。我地仲点左两杯野饮，南姜香茅梳打同龙眼冰，味道都系与别不同。最后意犹未尽，食多个芒果糯米饭作结，除左鲜甜嘅芒果同椰汁之外，上面仲舖上新鲜椰子丝，真系别出心裁。顺带一提，餐厅入面嘅碟都系仿照传统嘅老挝竹碟特别制造，食起来份外有风味。咁用心嘅老板同餐厅，真系值得一去再去！