半島冰室

营业中

休息中

同事介绍半岛冰室的猪膶通可媲美深水埗维记，今日就同友人去试。行到街口，离远已经见到一条人龙，大约有8-10人。原来咁受欢迎，真系估唔到。好彩唔系等左好耐就有位喇，舖入面有啲窄，但店员好好礼貌。当然要一个猪膶通粉啦，仲系常餐黎架，有火腿，炒蛋同多士，仲有一杯忌廉咖啡。只系＄38，超抵食！个汤底好浓厚猪膶味，不但冇猪膶腥味，每块猪膶又厚又大片，咬落好有质感！好彩姜丝唔算切得太幼，因为我唔食姜，所以都好容易拣晒啲姜丝出黎！通粉都好爽口弹牙，唔会太淋，恰到好处。