Coti the Bistro (企業廣場)

营业中

休息中

成日经过企业广场，都无咩留意邮局对面依间Coti The Bistro。今日放工又唔想去太远食晚饭，见餐厅有做晚市（依头嘅食肆大多只做午市），所以就入去喇。估唔到不论环境同食物都有质素，真系有啲意想不到的惊喜。Dinner set 配有是日餐汤同蒜蓉包。忌廉蘑菇汤好足料、而蒜蓉包味都都唔错。主食：香脆软壳蟹汉堡包配牛油果，泡菜，蕃薯条原只软壳蟹嘅汉堡包宜家好多餐厅都有提供，要做到令人一试难忘，难度比以往自然高好多。Coti嘅依个香脆软壳蟹汉堡包，特别在以泡菜作为汉堡包嘅其中一种馅料，泡菜嘅辣同软壳蟹都几夹。主食：慢煮烤鸡配霹雳葡汁、杂锦沙律慢煮烤鸡皮脆肉嫩，就算系鸡胸位置，鸡肉都唔韧。配上餐厅调配嘅霹雳葡汁，少少辣，衬哂啲鸡肉。甜品：烤棉花糖朱古力依个甜品不得不提。棉花糖烤到软棉棉，入口丝丝融化，沾上喺底下嘅消化饼饼碎，加埋面头嘅朱古力酱，好邪恶但好好味。饮品：棉花糖泡泡咖啡卖相精美，用嚟打卡影相，相当唔错。味道唔会太甜，无盖过咖啡嘅香味。饮品：焦糖布甸咖啡香浓咖啡中带一点焦糖嘅香甜，味道都唔错嫁。