影片
更多
2012-06-28
117 浏览
人数: 7个大人, 1个10岁, 1个两岁几 ~ 家庭聚会价钱: $107 每位, 再加一 (由于知道10岁小朋友食量不算少, 自动买张大人COUPON, 都无打去问有无小童价)致电订位: 态度十分之好, 仲remind我记得带团购COUPON, 看完前食评才买, 抱有希望.头盘: OK, 不过买COUPON时有写但好多野无, 无川辣口水鸡, 无烟三文鱼沙律, 无水牛芝士蕃茄, 无加拿大青口, 沙律吧分开6个名写... 即系12样野实得5样 主菜: (1) 西冷 ~ 一口筋, 无肉味 (2) 猪柳 - 鞋拾拾 ~ 无味 (3) 烧春鸡 ~ 鞋拾拾 (4) 猪手 ~ 最抵食, 够味, 好大碟 (5) 千层面 ~ 杰挞挞 热食: 写出6款, 无红米饭, 无芝士焗蕃茄, 无炸薯条 ~ 即系6样无3样$107 加一没有奢望有咩好野食, 食物与价格成正比; 但做生意手法极差!
价钱: $107 每位, 再加一 (由于知道10岁小朋友食量不算少, 自动买张大人COUPON, 都无打去问有无小童价)
致电订位: 态度十分之好, 仲remind我记得带团购COUPON, 看完前食评才买, 抱有希望.
头盘: OK, 不过买COUPON时有写但好多野无, 无川辣口水鸡, 无烟三文鱼沙律, 无水牛芝士蕃茄, 无加拿大青口, 沙律吧分开6个名写... 即系12样野实得5样
主菜: (1) 西冷 ~ 一口筋, 无肉味 (2) 猪柳 - 鞋拾拾 ~ 无味 (3) 烧春鸡 ~ 鞋拾拾 (4) 猪手 ~ 最抵食, 够味, 好大碟 (5) 千层面 ~ 杰挞挞
热食: 写出6款, 无红米饭, 无芝士焗蕃茄, 无炸薯条 ~ 即系6样无3样
$107 加一没有奢望有咩好野食, 食物与价格成正比; 但做生意手法极差!
题外话/补充资料：
[b]真系一肚气! 唔系因为呢$120, 而系手法问题! 老实讲, 我同家人系十分喜爱吃自助餐, 港九酒店/平贵/LUNCH/DINNER BUFFET都食得七七八八, 真系未听过 "识行识走都要计一位, 都要叫一个餐", 1岁食糊仔既都识行架, 系咪都要食个扒呀?!!!?!!! [/b]
过程: 问题出现O系食到中途, 有个WAITRESS走埋黎......
(WAITRESS) 你地有9位, 仲有一个餐未叫㖞, 请问想食咩?
(我) 买咗8位COUPON, 咪叫咗8个餐LOR! 呢个小朋友得10岁我都计埋大人架喇!
(WAITRESS) 唔系, 系呢位(指住个两岁几既), 公司规矩 ~ 识行识走既都要叫一个餐.
(我) 吓! :o 佢病到无晒胃口, 咩都唔食, 只系家庭聚会, 带佢出黎坐吓, 都要叫个餐?
(WAITRESS) 唔好意思, 公司规矩.
(我) 咁我叫工人带佢走喇! :huffy:
WAITRESS(话要问吓, 跟住返黎) 回答: 呢位小朋友收$120一个餐.
:huffy::huffy::huffy: 一个小朋友, 你话收半价斋坐食佢少少挞仔, 我觉得合理, 要佢食个扒餐?:o 未免太过份, 个WAITRESS仲口黑面黑.
(经理)仲答我: 佢地订位时肯定有讲 "识行识走都要计一位, 要叫一个餐"
(我) 无人讲过
(经理)立刻答: 你无问呀?
讲完都差不多食到尾声, 我都费事同佢再拗, 最后我叫佢埋单, 佢都仲问我要咩餐, 我系答佢: $120 再加一我照付, 野食我唔要喇!
(以上食记乃用户个人意见 , 并不代表OpenRice之观点。)
张贴
