Oslo (已結業)

九龙城多泰国野食系人都知，但原来都有间唔错既café。呢间野门面系行简约路线，冇好华丽既装修，但就有一种好舒服既感觉。一埋位店员就好有礼貌咁服侍周到，系佢盛情推介之下，我同朋友嗌左份牛扒同丹麦酥pizza。Pizza我就食得多，丹麦酥pizza就真系第一次食。件野一黎到睇落个样好似多士咁，食落原来好多松脆，酥皮口感丰富，加上芝士同菠萝呢D无可匹敌既组合，真系令人食指大动。仲有块扒质素唔错，极富性价比。我同朋友意犹未尽，仲加单嗌左窝夫拼盘同心太软，特别要赞下个心太软，朱古力味够香，朱古力流出黎果下亦好治愈，非常值得推介。间野门口对正起紧既港铁出口，第时港铁通埋车就方便得多，呢间野一定要bookmark低佢。