財記美食 (已結業)

普遍去茶记 都会觉得系食快餐/颓饭 但系而家唔同啦😌随住香港人要求越嚟越高 连茶记都精益求精🔝好似呢间财记美食 喺新蒲岗本身有间店 最近喺观塘再新开咗 格局望落系宽敞舒适嘅茶记 但系呢度嘅小炒小菜 一啲都唔颓👍🏻◾椒盐九肚鱼椒盐上枱𠮶阵香味 闻到已经流口水 食欲大增🤤要做到肚鱼够稔但系表面脆脆 其实一啲都唔简单 呢度控制得好好 好惹味啊❤️◽咕噜肉菠萝好新鲜 咬落啖啖肉🐷食得出啲猪肉唔系垃圾肉 咕噜酱汁调味啱啱好🌺最震惊嘅系师傅好有心思用蕃茄整咗朵花做伴碟 见到𠮶刻我都哗咗出嚟 因为无suppose小店都会有呢种心意😍◾鱼香茄子煲色香味俱全👃🏻唔止香气十足 连份量都十足 茄子煮到入晒味又够稔 咸鱼肉碎送饭一流啊◽豆豉鲮鱼炒菜芯平时豆豉鲮鱼多数炒油麦菜 呢度可以比你拣炒乜菜 我哋就拣咗平时都好钟意食嘅菜芯😛其实都好夹架 而且豆豉鲮鱼多得嚟又唔会太油太醎 菜芯仲好新鲜tim坦白讲呢度嘅质素真心偏高 但系价钱无偏高 坐得仲几舒服 值得再去💛