DW Lounge (已結業)

今晚约左无耐无见嘅朋友仔出黎吹吹水，坐巴士经过见到呢间DW Lounge虽然系酒吧，不过见佢有晚餐食，6点几7点静静地，走入去见识下先野食都算多款拣，小妹拣左自己都好难煮嘅墨鱼汁蟹肉意粉，呢个意粉诚意可加，意粉唔会好单调，调味方面做得几好，但略为唔够蟹肉，因为食左一阵都唔系好觉，可能比墨汁cover咗，睇佢唔到~但都可以接受唔想食咁多粉，汉堡都系一个好选择，叫左个车打芝士汉堡加薯条，其实想加大啡菇嫁，但系比另一个小食吸引咗，所以无加，净系加薯条，呢个汉堡份量都唔小，牛肉即叫即煎，咁就无分几成熟，始终呢度系酒吧，牛肉入味啖啖肉，都会有啲肉汁，加上有茄汁芝士蕃茄，食落层次唔错，而粗薯条就有调味粉点缀，唔会好普通系幼薯条加盐不得不提呢个小食蒜蓉芝士大啡菇，厚肉嘅啡菇配合香浓蒜蓉芝士同火腿，切开啡菇水份充足够晒juice,仲有个清新小沙律，岩晒一边饮酒一边吹住水黎食呢个时间系happy hour关系，酒精饮品好抵饮，意粉加$12蚊可以食埋是日精选甜品今日系柯华田咖啡芝士蛋糕，小小一件完全令个晚餐好完满，加上有音乐配衬，的确系谈天好地方，下次光顾应该系酒鬼时段啦～