秀拉麵 (已結業)

之前做左成晚通宵，放工之后又饿又累，拖著疲乏既身躯边走边揾野食,但自己又系皇帝胃,唔想求其塞野入肚!!后尾经过秀拉面，见到有pair情侣食完行出黎.不停话好好食,下次再黎芸芸,心谂系真唔系呀,姑且抱著一试既心态等几分钟入位啦!!记得好似有杂志介绍过佢,话系九州当中三大拉面集团其中之一,我就咩都唔理既,条脷食过方为实嘛,哈哈! 入到去坐,睇下里面装修.几simple,唔太复杂,都好既,平时做野都累到头昏脑胀,唔通连食野都好似系万花筒里面咩?之后有位服务员来介绍有咩好野推介，见佢讲果碗元祖拉面几惹味咁(加上我真系就黎饿死),就叫左一碗试下,等下又周围望下,发觉班员工原来几后生,睇佢地做野都几快手(唉,我老了~~)碗面黎到,唔理三七廿一,即刻”openrice”!!嗯,味道系我意料之外,汤底几浓厚.猪肉肉质都好鲜嫩.仲几肥tim,岩哂我呢d无肉不欢既人,哈哈!不过唔知系咪我自己既问题,觉得油份好似唔系好够,如果下次可以多d油,配埋d肥猪肉一啖食落肚,哈哈真系会爽到落脚指尾!!因为之后仲有野做,所以冇点再叫其他野食就埋单走人,综合而言,论环境,员工,以至最重要既食材,以呢个价格黎讲都可以接受架