炎天丼 (已結業)

天妇罗似乎系每人都喜欢嘅食品，每次经过女人街，都见到几多人喺入面。炎天丼座位间隔唔错，多数二人或四人座，唔会特别挤迫。以前见到会成碗天妇罗，会觉得好快饱好滞，今次食完推翻以前嘅谂法，完全有惊喜首先一坐低店员已经递上一1壶柠檬水同每人一碗面豉汤，而家已经好少餐厅咁主动，服务唔错原来餐厅除咗天妇罗仲有和牛、炸鸡、面食等，我同朋友都叫咗佢招牌嘅天妇罗天丼。1. 海鲜天妇罗 配咖喱汤乌冬🍤海鲜天妇罗有炸虾、炸蟹棒、炸菜心、炸椰菜花、炸鱿鱼，当中嘅蔬菜好特别，从未试过。炸天妇罗好松脆，炸粉唔会好厚，值得一赞天妇罗有酱汁点，味道好夹，食完成碟都唔会觉得好油，味道意想不到地好！咖喱汤乌冬系用高质嘅稻庭乌冬，咖喱亦有薯仔、红萝卜等配料，乌冬配天妇罗真系几好味，唔会太干亦唔会太油腻2. 海胆天丼我朋友嗌咗招牌海胆天丼，佢话海胆味道好好，佢𠮶碗比较多蔬菜🥬，有南瓜、茄子、菜心等，比较特别嘅有溏心蛋捞饭，仲可以任加饭素去配饭总括嚟讲，如果经过女人街，好推介黎依度试下天妇罗配乌冬/荞麦面，相比白饭冇咁滞！