牛之館 (已結業)

每次一出旺角Exit E，都会见到一堆眼顾四周，派传头好快手嘅「姐姐」（当然都有男人）今次再行经，受一个「姐姐」热情推介，话新餐厅，主打日式放题。盛情难略下，反正都系要dinner，见价钱都公道，就去试试佢口中介绍嘅呢间－牛之馆！由店员carry下被安排到全餐厅嘅角落位，一眼睇晒成间餐厅嘅装潢，日系嘅粉色跟线，令我有啲意外，感觉似春天去咗日式赏樱咁。放题都系普遍嘅自助模式，牛猪鸡等则由app点餐，而菜、菇、面食、丸饺类等则全部外边自取，另外一赞仲有小小炸物同熟食，而饮品方面选择唔算好多，反而雪糕有哈仔同Mov仔，算系几意料之外！ 牛之馆主打系牛，牛嘅质素又系点？答案系中上，以呢个价钱，可选择嘅牛相当多，包括安格斯牛板腱、手切封门柳、安格斯牛小排、安格斯一口牛、牛五花、SRF及牛肩胛肉眼芯、澳洲草饲牛颈背等等！当然唔系套套牛都啱人口味，但选择多经已系惊喜！不过牛始终有批次之分，所以肥瘦与否就真系视乎当日来货。