影片
更多
2014-05-10
817 浏览
之前同朋友去过尖沙咀星光行地库间意粉屋食晚餐，最后俾咗个喊脸佢，虽然服务几好，两个甜品又好食，咖啡亦好饮，可惜主菜平平无奇，又实在太多不足之处。其实，以往间唔时都有帮衬佢，都唔想一锤定音，断定佢死症，所以，趁老婆星期六朝去听讲座，返嚟约埋一齐去新都会广场嘅意粉屋食个晏，睇睇质素又如何？ 餐厅部份座位算喺半「露天」，唔喺晌室外，只喺外露晌商场空间，而小弟就被安排进入餐厅内处，估唔到入面都几大 。既然喺食午餐，当然瞄住午餐餐牌。所谓「假日星级午餐」，即喺星期六、日、公众假先有，实际就喺可以卖贵啲。套餐A其实有3个主菜选择，分$89 / $98，定价唔关主菜事，视乎拣咩餐汤，拣意大利菜汤就收前者定价，而小龙虾汤就喺后者价钱。至于套餐 B同样原则，但比套餐Ａ贵10蚊，共4个主菜选择，拣意大利菜汤就收$99，而拣小龙虾汤就收$108，无论边个午餐，都包一杯即磨咖啡或茶。不过，老婆话今朝晌酒店嘅讲座，中段休息有茶点招呼，所以，佢晏昼唔算好肚饿。我哋改改策略，点一份轻怡少少嘅午餐，拣套餐 B要意大利菜汤，主菜要沙律，贪佢包汤，我又可以叹杯咖啡，盛惠$99，再加多一个散叫菜式，食完睇睇情况先再追加
餐厅部份座位算喺半「露天」，唔喺晌室外，只喺外露晌商场空间，而小弟就被安排进入餐厅内处，估唔到入面都几大 。
既然喺食午餐，当然瞄住午餐餐牌。所谓「假日星级午餐」，即喺星期六、日、公众假先有，实际就喺可以卖贵啲。套餐A其实有3个主菜选择，分$89 / $98，定价唔关主菜事，视乎拣咩餐汤，拣意大利菜汤就收前者定价，而小龙虾汤就喺后者价钱。至于套餐 B同样原则，但比套餐Ａ贵10蚊，共4个主菜选择，拣意大利菜汤就收$99，而拣小龙虾汤就收$108，无论边个午餐，都包一杯即磨咖啡或茶。
不过，老婆话今朝晌酒店嘅讲座，中段休息有茶点招呼，所以，佢晏昼唔算好肚饿。我哋改改策略，点一份轻怡少少嘅午餐，拣套餐 B要意大利菜汤，主菜要沙律，贪佢包汤，我又可以叹杯咖啡，盛惠$99，再加多一个散叫菜式，食完睇睇情况先再追加 。
意大利菜汤（跟餐） 个意大利菜汤色泽嫣红，睇落几对办，呷一啖，味道浓郁酸香，而且，内里都有几多蔬菜，仲加有蝴蝶粉，我哋两公婆共享一碗，都够饮㖞 。
香草烤鸡凯撒沙律（烟肉碎）配蒜茸多士 $99 个卖相令小弟有少少疑惑，点解啲香草烤鸡中间好似少咗件咁款，不过，我哋无考究依个问题。其实，个凯撒沙律做得唔错，除咗沙律菜新鲜爽脆之外，酱汁捞得「匀巡」，刨上芝士薄片，唔喺糁普通芝士粉 ；而件香草烤鸡腌得入味，香草味轻轻渗出，肉质又无「嚡霎霎」嘅问题，配埋两件香脆满蒜香嘅蒜茸多士，整体水准中上 。
咖啡（跟餐）即磨咖啡，新鲜醇香，连解奶都热过嚟，虽然唔喺咩特别事，总俾壶仔冻奶好。
芝士焗三文鱼带子牛油果特色饭 $98 依个饭由老婆负责拣，问佢点解拣依个，心水来源喺啲牛油果，家下近排佢好钟意食牛油果。啲特色饭又唔觉有咩好特色，感觉有少少黄姜味，但饭质就焗得唔错，配合埋半溶芝士，柔香绵绵。此外，3款馅料中，三文鱼及带子落得份量足，味道又几好，无交行货 ，只喺觉得牛油果实在落得少，唯有牺牲小弟，拣晒啲牛油果俾佢，以满足佢想食牛油果嘅期望。
本来，个午餐仲可以加$13要多客柠檬芝士饼，但实在食得好饱，甜品？有机会再试！
张贴
