影片
更多
2019-03-17
29 浏览
今日经朋友介绍下嚟到佐敦嘅隐世铁板烧。一坐低职员就会提供青柠花旗参茶，甘香清甜，可以中和食物嘅油腻。经过一轮思考后，我叫咗日本十胜黑豚肉北海道松叶蟹套餐，睇见餐牌都流晒口水。首先送上沙律同刺身。沙律系烟熏鸭胸沙律，冻食既鸭胸依然保持幼嫩。至于三点刺身，佢包括三文鱼甜虾同北寄贝。甜虾非常大只，三文鱼新鲜肥美。主菜总共有三款。第一道主菜系北海道松叶蟹脚，剪嘅时候都好轻易取出成条蟹肉，蟹肉本身非常鲜甜，原汁原味咁食系最正。第二道主菜系日本樱花广岛蚝，我认为系咁多款主菜之中卖相最靓。蚝上面铺满烟肉葱花虾干，为肥美鲜味十足既蚝加添香脆嘅口感。第三道主菜就系期待已久嘅日本十胜黑豚肉厚切配意大利黑醋！黑豚肉嘅口感好似和牛，肉味浓郁，配上黑醋减低黑䐁肉嘅油腻感，味道不偏不倚。食完以上三款主菜都饱饱地，但呢个套餐仲未完架！s2特色黄金炒饭每一啖都感受到黑松露既味道，仲要系粒粒分明，炒得非常干爽。S2铁板纸包蚬汤入面有蚬、海带、豆腐、秋葵等等，非常清甜。焗杂菌食极都唔会厌，牛油绝对功不可没。最后送埋甜品雪糕泡芙，为今餐画上一个完美嘅句号。餐厅除咗对食物质素讲究之外，对于餐具亦系一丝不苟。每人都会有一对新嘅
经过一轮思考后，我叫咗日本十胜黑豚肉北海道松叶蟹套餐，睇见餐牌都流晒口水。
首先送上沙律同刺身。沙律系烟熏鸭胸沙律，冻食既鸭胸依然保持幼嫩。至于三点刺身，佢包括三文鱼甜虾同北寄贝。甜虾非常大只，三文鱼新鲜肥美。
主菜总共有三款。
第一道主菜系北海道松叶蟹脚，剪嘅时候都好轻易取出成条蟹肉，蟹肉本身非常鲜甜，原汁原味咁食系最正。
第二道主菜系日本樱花广岛蚝，我认为系咁多款主菜之中卖相最靓。蚝上面铺满烟肉葱花虾干，为肥美鲜味十足既蚝加添香脆嘅口感。
第三道主菜就系期待已久嘅日本十胜黑豚肉厚切配意大利黑醋！黑豚肉嘅口感好似和牛，肉味浓郁，配上黑醋减低黑䐁肉嘅油腻感，味道不偏不倚。
食完以上三款主菜都饱饱地，但呢个套餐仲未完架！s2特色黄金炒饭每一啖都感受到黑松露既味道，仲要系粒粒分明，炒得非常干爽。
S2铁板纸包蚬汤入面有蚬、海带、豆腐、秋葵等等，非常清甜。
焗杂菌食极都唔会厌，牛油绝对功不可没。
最后送埋甜品雪糕泡芙，为今餐画上一个完美嘅句号。
餐厅除咗对食物质素讲究之外，对于餐具亦系一丝不苟。每人都会有一对新嘅筷子套，更能确保卫生。
张贴
