糖水檔 (已結業)

今日起身起得晏，所以成4点先食野。行左阵街，到8点又有少少肚饿，老婆提议食糖水，咁o岩行过佐敦，入左去间叫糖水档既小店试下。入到去一眼睇晒，铺仔一间，得数张枱。睇睇餐牌，原来唔止得糖水，仲有肠粉，仲有从来未试过既鸭肉肠粉，咁特别?一于试下佢。老婆叫左个芒果西米露，我就叫左个鸭肉肠粉。芒果西米露唔会太烂，芒果多。鸭肉肠粉我咁大个仔都系第一次食，鸭肉好多，又入味，豉油自家煮过唔会太咸，味道夹得黎又好好食。