泰發泰國餐廳

营业中

休息中

同班朋友去完启德睇演唱会，谂住去启德𠮶边或者土瓜湾食嘢。但系有朋友建议话去九龙城食，咁我就即刻谂起想试呢一间泰国菜。一行四人，都等咗一段时间，因为比较多人排队系两人。啲朋友实在太肚饿，去咗隔离买串烧，我就继续喺度等。还好都系等咗唔够半个钟。班朋友其实每人已经食咗几串串烧，嚟到竟然又叫串烧拼盘同埋鸡全翼，一律清晒。事实上个拼盘真系性价比几高，又啱啱好嘅人见，重点系真系好抵食，全翼都腌得好入味。另外点咗青咖喱牛肉，青咖喱系我至爱，点埋蒜蓉包简直系完美嘅配合。椰菜苗就大棵咗少少，不过都好食唔会有渣。个冬阴功汤酸辣适中，但系个虾肉就淋咗少少。食埋个芒果糯米饭简直圆满嘅休止符，点解休止符？因为最可惜系未试到佢哋d生虾，期待下次有货啦。