Cafe Paradise (已結業)

同友人一齐嚟刚开业几天的Paradise cafe ,门口贴住试业中，见佢店舖虽然细，但装修都算唔错，尤其佢放左个旋转木马摆设响外面，引左好多人留意到！佢都系一般cafe 以意粉,咖啡,全日早餐为主！我今次点了"卡邦尼粉意+马琪朵咖啡"$75,等一会意粉就上枱，见佢卖相都可以，食落去意粉硬度，卡邦尼汁都做得不错，但我唔知系佢哋未有经验定系什么问题，芝士粉、辣椒仔要自己叫佢先去拿比你都算，水都唔系自动自觉比，食到一半，佢个马琪朵真系吓我一跳，个份量同杯系一个好别致的心型，但细到好似特浓咖啡一样，其实我都饮过马琪朵，但唔系咁样架㖞，我今次真系中伏，仲要苦到冇人有！之后当我个朋友食完晒叫卖单，我同我朋友叫左四五次，个个都挂住睇电话冇人理我哋，所有事都系踢一脚郁一下！佢个意粉系可以的，希望个咖啡只系自己叫错，但你收得人七八十元一个午餐，你要比好少少嘅服务都得挂！