C3

营业中

休息中

意粉够滑𩠌够多好抵食🍝冻饮大大杯🔸菠菜汁蟹肉意粉😋🔹鲜茄蓉虾仁带子意粉😋🔸热柠水同冻柠茶🔹第一次南瓜汤；第二次蘑菇汤虽然店里贴住「一人制作，请耐心等候」，但唔使等好耐，大概10分钟就上咗意粉。鲜茄蓉虾仁带子意粉有好多虾同带子粒，几抵食！而鲜茄蓉食出系用茄膏整嘅，用茄膏整嚟讲都算整得几好，够味得嚟唔假。菠菜汁蟹肉意粉，菠菜味点到即止，清清地；仲有用嘅意粉系比一般幼身少少而且滑，好食。份量好足，好饱！另外，喺度叫冻饮好抵饮！加两蚊就有同iphone 6/7/8 plus差唔多高但更阔咁大杯！美中不足嘅系餐汤，南瓜汤唔记得影相，味道偏甜；蘑菇汤则卖相唔错，但饮落唔够蘑菇味，太淡，菇粒唔够碎；蒜蓉包正正常常。