9 3/4 cafe (已結業)

哈利波特主题餐厅😍😍朋友系哈迷，俾佢喺旺角揾到间咁特别嘅餐厅，忍唔住不停影相😍如果钟意哈利波特就一定要去打卡啦。呼呼、南瓜现 即系平时饮开嘅杂菜汤，碗汤热辣辣，酸甜度啱啱好，好浓好好饮。深海鱼尾怪平时食嘅炸鱼薯条，改咗名就系唔同啲，食起身都充满玩味。鱼成块炸，切嘅时候仲听到卜卜声，劲香脆。西班牙软爪陆虾你一定估唔到，佢系蕃茄鲜虾扁意粉🤣扁意粉嘅质感非常好，汁好多又够味，充满茄汁嘅味，好开胃，而且料好足，有大量嘅虾、菇同蕃茄，好味。港口匙呢个更加难估，其实佢系三文鱼带子意大利饭，三文鱼嘅香味加上弹牙嘅带子，而且料好足，意大利饭冧中带少少咬口，非常好。美容药剂我梗系要靓靓啦，所以拣咗佢，其实佢系士多啤梨梳打，要咗少甜少冰，甜度适中。招牌魔豆朋友就要咗杯热咖啡，好衬𠮶度神秘嘅气氛🤣餐厅好多摆设，充满哈利波特嘅魔幻感觉，配合音乐背景，好正，推介俾所有哈迷。