The Vigor (水渠道) (已結業)

今日去咗太子行金鱼街,原来太子有好多嘢行,又可以行去女人街,行咗一阵开始揾嘢食,见到一间即叫即做嘅外卖西餐,性价比好高,而且食物都几吸引即刻试下，门口仲要好多人排队，所以我对呢间舖头非常有信心，果然冇令我失望，会再返转头买外卖嘅餐厅The Vigor. 喺门口餐牌见到主打系食意粉,而且仲好多人等紧外卖。一睇就知系附近的街坊。叫咗个二人餐$168，非常抵食 香酥炸鸡,炸鸡热辣辣,味道好香,入口外脆内热,非常惹味, 佢啲调味控制得啱啱好,好好味。芝士年糕 ，有三件芝士年糕口感烟烟靭靭,芝士味好香浓,自己比较钟食芝士,热辣辣嘅芝士入口特别香。司华力肠片,份量都好多,加咗少少芝麻,令到司华力肠多咗一份香味。炸鸡髀,鸡髀好大只,好似我块面咁大,而且炸到鸡皮金黄色,炸到咁香口食落去鸡肉仲保留到肉汁,鸡肉仲要系好嫩滑多汁,呢个炸鸡髀真系冇得顶,非常惹味。黑松露鲜虾带子炒意粉 ,黑松露味道好香,差唔多每条意粉都沾上黑松露,虾肉仲系好新鲜,虾肉爽口弹牙,黑松露同虾嘅味道配搭得啱啱好,完全将鲜味提升,意粉都煮得啱啱好,唔会太林,软硬度适中。炒香咗嘅意粉真系惹味