瘋鳥 (已結業)

有朋友呢头番工，话呢间几抵食，所以果日入左黎揾佢试。睇ig d芝士好吸引呃左我地黎点。现实中pizza芝士太济，而且食到尾觉得腻既感觉，再加上当日天妇罗虾偏厚粉，导致感觉系面包配面粉，成品出黎同想像中有出入，期待佢换下批货会改善。同样期待既有呢个冬荫公意粉，之前去oldish太饱无试喇沙意粉已经后悔紧，今次再见到南亚风既意粉点都要试先安乐。呢个终于无令我失望，意粉硬度岩岩好，我最钟意有咬口既～　微辣既冬荫公味道有小小香茅味，劲惹味！因为本身系pizza上左先，食左几块食pasta，济济地既情况下食居然可以越食越起劲 另外都要提一提呢度咖啡，睇menu好似话得奖作品黎，咁既然拎得奖，个价钱反而做到劲亲民，所以叫左杯手冲既试，不过我唔太熟咖啡就无谓献丑啦。佢用上装清酒既形式上个咖啡，倒出黎就好似饮Sake咁细细杯饮。