Felice Cafe & Pasta (已結業)

今天来到了铜锣湾闲逛，发现不少高质Cafe，众多店舖之下选择了这间小店，支持一下。内在环境舒适有家的感觉、店员服务亲切、坐得后整体感觉良好。首先叫咗个牛油果卡邦尼意粉，意粉熟度煮到刚刚好爽口弹牙，配上半熟蛋、烟肉碎、芝士，卡邦尼意粉好食高质又够味。最最最重点系加入牛油果作为配菜、牛油果新鲜，牛油果嘅出现降低整体意粉嘅油腻感，越食越觉得两者好夹，食唔停口🤪。另一款意粉就叫咗咸蛋黄酱蟹肉扁意粉，蟹肉、咸蛋黄份量都够多，每啖意粉都有咸蛋黄嘅香味，蟹肉同咸蛋黄配合之下，令到意粉风味提升，喜欢口味浓郁嘅你就要试吓啦。饮品方面，叫咗Oreo士多啤梨乳酸，士多啤梨🍓味配上乳酸梳打，饮落好清新好Fresh，加上面头嘅Oreo碎，整体都好开胃。另一杯就叫咗牛油果🥑沙冰。估唔到牛油果都仲可以做到沙冰，而且出嚟嘅效果相当之好。牛油果味清淡，加上沙冰，绝对系饱足一餐完嘅首选饮品，舒服😌得黎又清新。最后总结整体感觉良好，店员服务态度很好👍🏻、环境舒适、如果大家有时间不妨帮衬下身边嘅小店💪🏻。