Coffee Talks (已結業)

放完五日假，听日又要由天堂跌返落地狱， 今日我一定要尽情去食去玩，出去旺角买下野，行下行下六点几，都系食埋野先返屋企，见到呢间文青咖啡室，有小小被佢甘靓既装潢引左入去，人唔算多唔洗等位，可能听日要返工大家都早啲返屋企，系我一个仲系条街度，入到去店员招呼唔错，点左一个人气推介香炸蒜片鳀鱼蟹肉意粉，一杯叫做咖啡控必试既维也纳咖啡，同埋跟餐可以有加配优惠，加34蚊有个冬甩set，野食来到枱面已经闻到果浸蒜香味，同埋由摆碟睇得出店铺既心思，等埋一齐影张靓靓相先跟住开始食野，一食落去，哗，好食到痴线，蒜香味重，蟹肉又多，加上个意粉内面仲有好多唔同既配菜，可以话好耐未食过甘好味既意粉，绝对值得推介，跟住试埋个咖啡，果然系必试，个咖啡好特别，甜苦味道分得好鲜明，上面啲cream 冻，下面咖啡热，店员亦都有提醒唔好搞埋来饮如果唔系就饮唔出个味道。 又再要推介，之后食埋个冬甩，冬甩不过不失但系摆碟值得一赞，食饱饱返归又要准备听日返工，下次一定一定再来试下其他野食。