Coti the Bistro (企業廣場)

营业中

休息中

约朋友到九龙湾食饭， 拣左企业广场的Coti, 胜在唔使等位， 坐得舒适， 价钱又唔贵， 无人催我地走， 毫无压力，够晒chill。临近万圣节， 有新Menu, 我就拣左青柠芫荽虾忌廉意粉（$78）够晒热，芫荽味唔重， 但都够够香味， 食落面条软硬适中，好幼滑，个忌廉酱汁有少少咸，虾球开边，干净鲜甜。日式红酒炖牛肉饭（$98）牛肉带少少甜味，不失口感。我钟意个酱汁调味，白饭粒粒分明。棉花糖热朱古力奶（$42）特别的日子加上天气开始转凉，拣左热饮，造型超级可爱，系只小熊，爆发少女心，极具心思技巧。焦糖布甸热咖啡（$42）焦糖脆口， 甜而不腻。最正当然系手工巴斯克芝士蛋糕（$32）依旧香滑， 唔太甜， 卖相精致。价钱合理， 服务好， 最紧要坐得舒适，食物味道好。