影片
更多
2018-06-15
4347 浏览
大概年半前，到访过一次「香港邮意明信片航海主题咖啡厅」，当时仲喺开晌湾仔嘅一条后巷，贪佢一派悠然，环境有个性，咖啡亦冲调得唔错。最近，睇到食友嘅食评，先知搬咗过嚟尖沙咀嘅「首都广场」，继之前去过荃湾嘅「地皇广场」，又一个㓥场变死场，真喺唔知「香港邮意」开晌度有无得搞。今晚老婆有中学同学聚旧饭局，得一支公，所以，就过嚟「香港邮意」叹叹咖啡食餐饭。跟湾仔店好唔同，地方颇大，呢度哋全开放型，以之前部份嘅㓥铺变为用餐区，公共空间感强，而装修简约，以浅木色系为主，悠然随意，亦颇有文青气氛。座位喺自由选择，钟意坐晌边就坐晌边，唔怕唔习惯嘅，可以试吓坐晌如榻榻米嘅地席座，铺晒座垫，小弟就无试坐，但睇起嚟就几舒服咁。现场好多后生仔女，并且以女生多，小弟就得一支公，所以，就自己揾个自闭位嘅二人座，静静局食好嘢。餐牌印晌晒一张张嘅A5纸，主食包括沙律、意粉、薄饼、全日早餐。饮品选择亦非常之多，类别分为沙冰、梳打、花茶及多款咖啡系饮品。甜品当然唔少得，两页纸合共有成15款，如提拉米苏、芝士饼、班戟……等等。晌收银落单后，便有个传呼器，等佢响就即喺食物整好，自行晌柜枱出餐位攞食物，而餐具就摆晌柜枱旁。温馨提示
今晚老婆有中学同学聚旧饭局，得一支公，所以，就过嚟「香港邮意」叹叹咖啡食餐饭。跟湾仔店好唔同，地方颇大，呢度哋全开放型，以之前部份嘅㓥铺变为用餐区，公共空间感强，而装修简约，以浅木色系为主，悠然随意，亦颇有文青气氛。
座位喺自由选择，钟意坐晌边就坐晌边，唔怕唔习惯嘅，可以试吓坐晌如榻榻米嘅地席座，铺晒座垫，小弟就无试坐，但睇起嚟就几舒服咁。现场好多后生仔女，并且以女生多，小弟就得一支公，所以，就自己揾个自闭位嘅二人座，静静局食好嘢。
餐牌印晌晒一张张嘅A5纸，主食包括沙律、意粉、薄饼、全日早餐。
饮品选择亦非常之多，类别分为沙冰、梳打、花茶及多款咖啡系饮品。
甜品当然唔少得，两页纸合共有成15款，如提拉米苏、芝士饼、班戟……等等。
晌收银落单后，便有个传呼器，等佢响就即喺食物整好，自行晌柜枱出餐位攞食物，而餐具就摆晌柜枱旁。
温馨提示，呢度叫得全自助，就连食完嘢嘅收拾都要帮帮手，自行将餐盘收拾好。目测所见，枱面上都无乜点见到有啲无收拾起嘅托盘或餐具，可见大部食客都好自律。只可惜，除咗啲花茶茶壶喺玻璃外，其他餐具、餐碟都喺塑胶，否则就喺纸兜，都比较唔环保。然而，如果能够将厨余、胶餐具、纸餐具分开回收，晌唔环保之中，再做多少少，都叫做好过乜都唔做啫。
班尼迪克蛋 $98讲卖相，就肯定喺差咗少少喇，主要因为两只班尼迪克蛋嘅蛋白部份睇起嚟煮到散咗，无咗尼迪克蛋荡吓荡吓嘅诱惑感。不过，基本上味道就唔太大影响嘅。题外话，咪睇只白色餐碟以为喺瓷嚟，其实喺胶底，而且，圆周大过个木托盘，搞到切嘢时只碟摇嚟摇去，唔多方便。
切开蛋黄，仲喺做到流心效果，伴上酸酸甜甜嘅荷兰汁，糁咗少少巴马臣芝士碎，再垫埋巴马火腿，整体嘅味道真喺唔错。不过，仍有改善空间，第一就喺巴马火腿炸得干身咗，去走咗啲油香，其实，小弟就觉得唔需要炸，烘番暖就可以；第二就喺个英式松饼包底，虽然烘过，但似乎烘过笼少少，有些微干，加上把胶刀真喺唔太够力，切起嚟有点韧嘅感觉。
相反，要赞赞嘅喺啲伴菜，啲沙律菜咬落「索索声」，故然新鲜爽脆，淋上经处理过嘅黑醋，酸香细致；而啲蕃茄唔喺普通货式嘅车厘荷，而喺串茄，更清甜、更多汁，好食。
拿铁咖啡 $38杯拿铁无太刁钻嘅拉花，但拉得都好细致，而且，入口口感好均匀，撞奶泡嘅手势十分好，加上咖啡底好醇和，喺一杯好有质素嘅拿铁。
拿铁咖啡
$38
10 浏览
0 赞好
0 留言
千呼万唤始出来嚟形容呢个苹果蓉烤批就最适合，因为拎班尼迪克蛋时，个店员话焗紧，大概要20min后就有，啱啱好我都应该食完份班尼迪克蛋，但点知之后问过几次都话焗紧，足足额外再等多25分钟先有。然而，讲番个苹果蓉烤批本身，其实口感、味道确喺唔错，外皮几酥香，而苹果蓉柔滑富苹果香。以个人而言，如果加入玉桂，以及混入少少苹果粒，相信味道、口感更有层次。此外，本身配云呢拿雪糕，可能无晒货，球云呢拿雪糕得丁多，故就搭多球冧酒提子雪糕，两个雪糕都正。
今回餐厅只叫「香港邮意」，无咗「航海主题」，所以，就唔似𠮶时湾仔店咁有啲航海地图、帆船模型……等等，不过，继续保留英式红邮筒，一角墙边摆咗好多明信片作贩卖，当中不乏本土特色，更可以代寄到世界各地。
临走，见超多人排队，可以用夸张嚟形容，因为8:30pm后有班戟放题，所以，大概八点三、四左右，就有店员会跟你讲用餐时间去到8:30pm，虽然唔会真喺赶你走，不过，我就觉得可以晌落单时提一声嚟食晚餐嘅客人知就好啲，唔使有啲咩唔愉快事发生嘛。
未必人人都喜欢全自助模式，因为又要自己拎嘢、执嘢，不过，小弟就几钟意，够自在，无乜人理唔紧要，最紧要啲嘢好食。综合今餐体验，食物算有一定水准，但正如上文所讲，仍有改善空间，而且，服务都要改善一下啰。
张贴
