媽咪隨意屋 (已結業)

今日行过长沙湾元州邨商场，谂住入商场睇吓有咩食，一入商场就见到左右都有餐厅，不过就被右边嘅呢一间妈咪随意屋吸引住。因为佢门口写住有学生优惠（虽然早已经同学生身份有好远嘅距离）。不过见到社区上边仲有对学生咁关注嘅餐厅觉得值得支持有下。见到佢午餐Menu选择唔系话好多，但基本上每一样都非常之吸引，对于喜欢泰国菜的我来说，其实已经好难做选择。咁热嘅天气下决定食一个青咖喱鸡饭开一开胃口。呢个青咖喱饭配上一只煎蛋，蛋黄有流心效果，非常有心思，而鸡肉亦并非谐霎霎嘅鸡柳肉，而是白切鸡，唔知系咪都系海南鸡饭嘅𠮶啲鸡呢？今次佢仲有埋一只鸡翼俾我，应该系我行大运了！ 讲一讲个青curry先! 佢嘅甜味唔系话非常甜，同个辣味完全平衡到，10分开胃！ 加上配菜同白饭，非常好食！ 鸡肉非常嫩滑，非常肥美！ 如果对于重口味嘅你，呢间餐厅一定系你首选，外面有唔同嘅调味料比你自己加，令菜式更加惹味！ 不得不提嘅系呢一杯奶茶，虽然我走咗甜，但系琪奶味非常之香滑，走甜都已经非常之够味！下次更加会试泰式奶茶！ 店内面积虽然不大但整齐有你，简单布局令人有舒适嘅感觉！ 下次一定再嚟！