第一腸粉專賣店

营业中

休息中

虽然第一肠粉以肠粉做招徕，但我今日其实系为左盅头饭而来。蒜香排骨蒸饭（$27），一落单即刻送到，饭粒未算分明，不过排骨够多，连埋蒜香汁捞饭，三扒两拨已经食晒了连豉油都唔洗落呢！再叫左碟肠粉食下，名炉鸭丝拉肠（$23），肠粉食得多，多数拣叉烧做馅，今日试下食鸭丝肠，个人都系偏好叉烧多d，哈哈。肠粉即叫即制，所以要等一阵，包得几薄，果然以肠粉做专门店系有咁上下质素。星期五夜晚都几多人食，每张台都有人，下次要再试埋其他口味的肠粉，例如招牌第一肠粉，睇吓佢系咪每个口味都保持到质素先。