我愛慢煮 (孖沙街) (已結業)

好荣幸吴生带我去食好西！今次呢餐真系十分满意！呢个温泉蛋大啡菇真系不得了！劲Juicy呀！一切开，啲蛋汁流晒出嚟，果下真系哗哗声！仲要加埋芝士，口感真系劲丰富！而另一个小食炸蕃薯条都一样有惊喜！上枱果阵仲热辣辣，仲炸到外脆内软，啱啱好！蕃薯味香甜，最估唔到竟然系配黑松露沙律酱，超正！一场嚟到，无理由唔试下慢煮菜式！主角之一嘅法式油封鸭髀，净系卖相已经好吸引！真系估佢唔到肉质仲要咁幼嫩，就算连皮食都真系一啲都唔油！味道亦啱啱好，唔会太咸！啖啖肉，真系好爽！另一主角烟烤猪仔骨又系无得输！完全唔韧唔鞋口，入口软腍，肉质一样咁幼嫩，慢煮真系唔同啲！烧烤酱又够晒惹味，绝对系食多一份都仲得！唔好话嘢食，连嘢饮质素同样咁高！呢杯荔枝接骨木花特饮，成粒荔枝放系上面，劲吸睛！荔枝再加上花嘅香味，好清新！而另一杯热情芒果特饮，饮落酸酸甜甜，劲开胃！入面仲有好多芒果粒，粒粒都大大粒！包你过足口瘾呀！我地食完行去搭车果阵，见到原来佢普庆坊都有一间！咁大家可以睇下边间就脚啲啦！