翡翠拉麵小籠包 (已結業)

今日突然好想食上海野，就去咗铜锣湾西贸既翡翠拉面小笼包食午餐，当然一去到等唔够5分钟就入到去，人流唔太多，好快就有位。睇下个餐牌，叫咗个招，四川担担面，个汤底酸酸辣辣，面质弹牙，我仲饮咗半碗汤，汤味浓，完全啱哂我胃口。当然要叫埋个上海小笼包（四只），系小笼包顶部用筷子桔一下，倒入醋及姜丝先再食，包内汤汁多又烫，但要小心唔好一口咬落去，咪就好容易烫亲条脷。因为仲系有啲饿，所以我叫多一条炸银丝卷，炸到金黄色，好脆口，点埋个练奶就更加好食。