山東小城 (西洋菜南街)

营业中

休息中

呢间主打食饺子嘅小店，门口就经过好多次，今晚买完花就决定试吓。多款特色饺类，见店长推介有墨鱼马蹄饺，第二位系京葱羊肉饺。首次就点选鲜肉麻辣菜甫饺 ($43)。汤底系紫菜虾皮蛋花汤，相当清甜，有埋紫菜同蛋花食，仲饱肚D。一碗有七只汤饺，每只都相当饱满。皮嘅厚度适中，入口先食到菜甫嘅脆度，然后有猪肉嘅绵滑感。麻辣开始渗出黎，有辣度但个人黎讲可接受，好惹味。有自家制麻辣菜甫可以问店员拎，食过欢喜嘅，收银处见到仲有得卖，一樽$15。