麻辣派對 (瑞生酒店) (已結業)

天气开始潮湿炎热，个人冇乜胃口，系时候食返啲辣嘢，于是拣咗麻辣派对同朋友食饭。以前都嚟过佢除咗装修好靓，仲有好多梳化位坐得好舒服。麻辣鸡锅🌟一个鸡煲有半只鸡，我哋叫咗BB辣，就咁食虽然有啲辣，但系配埋白饭就啱啱好，都几多鸡肉好惹味。古法咕噜肉🌟以为呢度净系食麻辣嘢出名，原来小菜都好出色。今次叫咗呢个咕噜肉，就算捞匀晒甜酸酱都仲食到佢好脆嘅口感，而且炸粉好薄，入面嘅肉好稔好易咬。麻辣小面🌟每次嚟都一定要叫小面，因为啲面食落真系好滑，好似一下就吞咗落喉咙咁。冻蜜语水果茶🌟可以拣少甜少冰健康啲，除咗嘢饮有水果味，仲有好多生果。红豆沙🌟就快食完时店员送上饭后糖水，有好多红豆喺入面好足料，食啲糖水好解辣。