影片
更多
2013-09-17
481 浏览
有啲人成日出街食饭都系因为食厌左屋企嘅𩠌，但系亦都有人话隔离屋既饭香，我都觉得后者比较贴切。因为基本上黎呢一间餐厅食野，食嘅𩠌都系屋企可能会煮到，但你仲系好想黎试，好似一个男人，屋企明明有老婆都要出去偷食咁。每一次谂起同一大班人要聚会嘅时候就会好头痛，又想坐得舒服，又想有自己空间，又想普通价格，又想可以倾到计，今次揾到好地方。招牌都讲到明自己系保健药疗营养汤，点可以唔叫佢啲汤饮下？个汤真系好足料，冇味精味，仲有螺片、猪骨、药材，睇黎对身体真系百利而无一害。咸蛋蒸肉饼咸蛋白其实冇乜，师傅净系剩低咸蛋黄，个肉饼蒸得好稔同湿润。蟹肉扒双菇蟹肉就唔觉得有好多，食起上嚟个汁当然唔系好甜。以双茹系指东菇同埋草菇，下面就放咗小棠菜。茄子鱼腩煲呢个真系好惹味，好欣赏，茄子同埋鱼两者都炸得好脆，个鱼食起来一啲都冇雪藏味。反而个汁较得非常好，岩岩锁住两种材料嘅滋味。沙爹牛肉粉丝煲略嫌汁太多好似汤咁，但牛肉稔而不un口咕噜肉啖啖肉外脆内软，酸甜度完美琵琶豆腐d银芽最好味西柠鸡做得最好，全晚最钟意食嘅𩠌，个鸡炸得好脆，浆够薄，肉够湿滑，配埋个喼汁，真系手唔停口唔停。黑椒牛柳牛肉够稔，成晚嘅牛肉都好稔，除咗火候
因为基本上黎呢一间餐厅食野，食嘅𩠌都系屋企可能会煮到，但你仲系好想黎试，好似一个男人，屋企明明有老婆都要出去偷食咁。每一次谂起同一大班人要聚会嘅时候就会好头痛，又想坐得舒服，又想有自己空间，又想普通价格，又想可以倾到计，今次揾到好地方。
招牌都讲到明自己系保健药疗营养汤，点可以唔叫佢啲汤饮下？个汤真系好足料，冇味精味，仲有螺片、猪骨、药材，睇黎对身体真系百利而无一害。
咸蛋蒸肉饼咸蛋白其实冇乜，师傅净系剩低咸蛋黄，个肉饼蒸得好稔同湿润。
蟹肉扒双菇蟹肉就唔觉得有好多，食起上嚟个汁当然唔系好甜。以双茹系指东菇同埋草菇，下面就放咗小棠菜。
茄子鱼腩煲呢个真系好惹味，好欣赏，茄子同埋鱼两者都炸得好脆，个鱼食起来一啲都冇雪藏味。反而个汁较得非常好，岩岩锁住两种材料嘅滋味。
沙爹牛肉粉丝煲略嫌汁太多好似汤咁，但牛肉稔而不un口
咕噜肉啖啖肉外脆内软，酸甜度完美
琵琶豆腐d银芽最好味
西柠鸡做得最好，全晚最钟意食嘅𩠌，个鸡炸得好脆，浆够薄，肉够湿滑，配埋个喼汁，真系手唔停口唔停。
黑椒牛柳牛肉够稔，成晚嘅牛肉都好稔，除咗火候岩之外，我谂系松肉粉嘅功劳。
终归究底，呢间私房菜系另外一头住家，但佢提供一个好好地方俾五湖四海既姊妹聚首一堂畅谈畅谈
张贴
