僕之拉麵 (已結業)

黎旺角行街，呢间拉面系一间医肚既好选择，拉面质素好，店员又友善。特选拉面配清汤 : 有正常份量1.5倍既义烧 同一大块灸义烧，仲有紫菜、葱、味荀同味付鸡蛋。呢碗拉面好啱钟意食肉既朋友，块灸义烧味道简直一流，灸烧过肉味特别香浓，脂肪部份更非常香脆惹味。人气拉面配浓汤 : 特浓汤底猪骨味浓厚澎湃，配料有义烧、粟米、紫菜、葱、味荀同味付鸡蛋，份量一啲都唔少，CP值高。唐扬炸章鱼 : 章鱼弹牙，食得出好新鲜，炸到松脆啱啱好。章鱼烧 : 上枱时粒粒都胀卜卜，章鱼烧上面既柴鱼片郁下郁下极吸引，入口仲热辣辣非常美味。