愛家素食 (淘大商場) (已結業)

多个研究显示，食素的确有助减轻肠胃负担、减低患上慢性病及癌症等风险。要我呢个食肉兽转全素的确有啲难度，不过依家素食产品千变万化，有时唔讲都唔觉自己系食紧素食呀～ 好似屋企附近呢间✨爱家素食 Loving Hut✨，我自己就好钟意，今晚晚餐就拣佢～叻沙百页豆腐乌冬自己好钟意～ 叻沙汤浓、望落劲似鱼片的百页豆腐「索」晒汤好好味～ 乌冬滑滑～ 外卖有分汤唔怕腍～印尼沙嗲串烧煎蛋饭呢个又系好惹味！ 沙嗲汁香浓、串烧系由菇「顶」制成、口感颇像真～ 只蛋先呃到我啊！因为呢度系纯素餐厅（无蛋奶素）未食蛋果刻犹豫咗一阵，😂😂食落系劲似坚荷包蛋！另外用上半红米饭、高纤健康～南瓜浓汤、豆浆奶茶南瓜汤creamy、浓淡得宜。豆浆奶茶顾名思义就系用豆浆代替奶去冲，估唔到味道有惊喜！香浓豆味撞落浓茶、个味道我自己好钟意～仲有一方面我欣赏佢哋的外卖器具主要系纸类，比起塑胶环保♻️～佢哋系店舖入边仲有一啲素食产品供客人选购，咁就系屋企都可以品尝不同嘅款式的纯素美食啦～